INTERESGARRIAK DIREN DATUAK
• Ekintza: Paraitzulia Bizkaia Non Stop 2024
• Data: 2024ko urriaren 26an, larunbata
• Ordutegia: 9:00etatik 21:00etara
• Ibilbidea: Bizkaiari bira, 200 km erreleboetan
• Parte-hartzea: irekia eta doakoa
• Izen-emate esteka: https://forms.gle/h2unfeXTLQw944Y59
• Kilometro solidarioen salmenta: https://www.rockthesport.com/es/evento/paraitzulia-bizkaia-non-stop-2024
• Antolatzaileak: FEBICI eta Bizkaiko Kirol Egokituaren Federazioa
“PARAITZULIA BIZKAIA NON STOP 2024”
Bizkaiko kirol egokituaren eta txirrindularitzaren federazioek 2024ko urriaren 26an, larunbatean, “PARAITZULIA BIZKAIA 2024” antolatuko dute. Proba hau “non stop” motako zirkuitua izango da, eta Bizkaiko 200 km-ko ibilbidea erreleboetan egingo da. Ekitaldi honek, Bizkaiko eta inguruko paratxirrindulari kolektiboarekin ekintza inklusibo bat sortzeaz gain, txirrindularitza egokitua ezagutzera emateko eta ikusgarritasuna sortzeko helburua du.
Horrez gain, ibilbidearen kilometroak birtualki salduz, txirrindularitza egokituaren eskola bat sortzeko baliabideak lortu nahi dira, kirolari berriei estaldura eman eta txirrindularitza inklusiboa sustatzeko ekitaldi erregularrak antolatuko dituena. “Kilometroak” laster jarriko dira salgai eta 20 €-ko prezioa izango dute (1/2 kilometro ere erosi ahal izango da).
Ibilbide osoa 20 zatitan banatuko da. Zati bakoitzean, paratxirrindulari batek erreleboa edo eskumuturrekoa eramango du, aitabitxi/amonatxi batek eta parte hartu nahi duten txirrindulari zaleek lagunduta. Norbait animatuko al da ibilbide osoa egiteko?
Antolakuntzatik errelebista bila ibiliko gara, baina norbaitek zatiren bat egitea nahi badu, info@febici.eus helbidera idatzi dezake. Parte hartzea nahi duenak izena eman ahal izango du formulario bidez.
Martxa 9:00etan hasiko da Basaurin eta Bilbon amaituko da 21:00ak aldera. Hurrengo udalerriak igaroko ditu (proposatutako ibilbidea): Basauri, Galdakao, Larrabetzu, Lezama, Zamudio, Getxo, Sopelana, Plentzia, Gorliz, Mungia, Bakio, Bermeo, Gernika, EA, Ispaster, Lekeitio, Ondarroa, Markina, Durango, Amorebieta eta Bilbao.
“Kilometroak” esteka honetan eros daitezke: https://www.rockthesport.com/es/evento/paraitzulia-bizkaia-non-stop-2024. Erosketa egiten dutenek martxa zatian buru izateko eskubidea izango dute, oroigarrizko dortsal bat jasoko dute eta kirol-artikuluen zozketan parte hartzeko aukera izango dute.
Informazio gehiago: www.febici.eus edo https://bkef.eus.
Izen-ematea: https://forms.gle/h2unfeXTLQw944Y59.