Federaziotik kirol modalitate berriak pertsona guztiei hurbiltzen jarraitzen dugu, eta oraingo honetan parte hartzera animatu nahi zaituztegu datorren Eskubaloi Egokituaren Jardunaldian, honako datu hauetan ospatuko dena:
📅 Otsailaren 21ean, larunbata
🕚 11:00etatik 14:00etara
📍 Zubialde Kiroldegia – Portugalete
Jarduera hau Bizkaiko Eskubaloi Federazioarekin elkarlanean antolatuko da, gure lurraldean kirol aukerak zabaltzeko dugun konpromisoa sendotuz.
Nori dago zuzenduta?
Jardunaldia eskubaloi ezagutu eta praktikatu nahi duten pertsona guztiei zuzenduta dago, bakoitzaren gaitasunak edozein direla ere.
- Gutxieneko adina: 10 urtetik gora
- Desgaitasun fisikoa, intelektuala eta/edo sentsoriala duten pertsonak
- Familiak eta laguntzaileak
- Ikastetxeak eta gizarte-erakundeak
- Kirola ezagutu eta probatu nahi duen edonor
Ez da aurretiko esperientziarik behar. Probatzea, ikastea eta giro parte-hartzaile batean gozatzea izango da helburua.
Nola eman izena?
Parte hartzeko, bidali mezu elektroniko bat:
Honako datu hauekin:
- Izen-abizenak
- Adina
- Desgaitasun mota
- Garrantzitsua iruditzen zaizuen bestelako oharrik
Bestela, WhatsApp bidez ere eman dezakezue izena:
📱 697 243 685
Espero dugu jardunaldi hau aukera paregabea izatea eskubaloia ezagutzeko eta kirol esperientzia berriak bizitzeko.
Portugaleten ikusiko dugu elkar!